பாசிப் பருப்பு :
பாசிப் பருப்பு தமிழில் சிறு பருப்பு, பாசிப்பருப்பு எனவும், ஆங்கிலத்தில் மூங் டால் (Moong Dal) எனவும் அழைக்கப்படுகிறது. இதன் அறிவியல் பெயர் விக்னா ரேடியேட்டா (Vigna radiata) ஆகும்.
பொதுவாக பருப்பு வகைகள் ‘ஏழையின் இறைச்சி’ என்று குறிப்பிடப்படுகின்றன.
ஏனெனில் அவை இறைச்சிக்கு இணையான புரதங்கள், பயோஆக்டிவ் கலவைகள், தாதுக்கள் மற்றும் வைட்டமின்களின் சிறந்த தாவர மூலமாகும்.
இது ஆசிய நாடுகளான இந்தியா, சீனா, பங்களாதேஷ், பாகிஸ்தான் மற்றும் சில தென்கிழக்கு ஆசிய நாடுகளில் பயிரிடப்படுகிறது.
மேலும் இது ஐரோப்பாவின் வறண்ட பகுதிகளிலும், கனடா மற்றும் அமெரிக்காவின் வெப்பமான பகுதிகளிலும் வளர்க்கப்படுகிறது.
பாசிப் பருப்பு நன்மைகள் :
பாசிப் பருப்பில் சரி விகித அளவு ஊட்டச் சத்துக்கள் உள்ளன. பாசிப் பருப்பு நன்மைகள் பற்றி கீழே கொடுக்கப்பட்டுள்ளது.
உடல் சூடு :
உடல் சூட்டை குறைப்பதில் பாசிப் பருப்பு தண்ணீரை விட மிகவும் நன்மை பயக்கும் என்று சில ஆராய்ச்சிகள் கூறுகின்றன.
இதில் வைடெக்சின் மற்றும் ஐசோவிடெக்சின் எனும் இரண்டு ஆக்ஸிஜனேற்றிகள் உள்ளன.
அவை அதிக வெப்பநிலையிலிருந்து உடல் செல்களைப் பாதுகாக்க உதவுகின்றன.
நீரிழிவு :
பாசிப்பருப்பு குறைந்த கிளைசெமிக் குறியீட்டு மதிப்பைக் கொண்டுள்ளது.
இதன் விளைவாக, இது உடலின் இன்சுலின், இரத்த குளுக்கோஸ் மற்றும் கொழுப்பு அளவைக் குறைக்க உதவுகிறது.
மேலும் இது இரத்த சர்க்கரை அளவை கட்டுக்குள் வைத்திருக்க உதவுகிறது. மேலும் நீரிழிவு அபாயத்தை குறைக்க உதவுகிறது.
செரிமானம் :
பாசிப்பருப்பு ப்யூட்ரேட் எனப்படும் குறுகிய சங்கிலி அமைப்பு கொழுப்பு அமிலங்களை உற்பத்தி செய்ய உதவுகிறது.
இது குடல் சுவர்களின் ஆரோக்கியத்தை பராமரிக்க உதவுகிறது.
மேலும் இது அழற்சி எதிர்ப்பு பண்புகளைக் கொண்டுள்ளது.
இது ஜீரணிக்க எளிதானது மற்றும் வாயு திரட்சியைத் தடுக்கிறது.
இரத்த ஓட்டம் :
பாசிப் பருப்பில் உள்ள இரும்புச்சத்து இரத்த சிவப்பணுக்களின் உற்பத்திக்கு உதவுகிறது.
இரத்த சோகையைத் தடுக்கவும், உடலின் ஒட்டுமொத்த இரத்த ஓட்டத்தை மேம்படுத்தவும் இரத்த சிவப்பணுக்கள் அவசியம் ஆகும்.
எடை இழப்பு :
பாசிப்பருப்பில் சிஸ்டோகினின் ஹார்மோனின் செயல்பாட்டை மேம்படுத்த உதவுகிறது.
அதாவது இது சாப்பிட்ட பிறகு நிறைவாக உணர வைக்கிறது மற்றும் வளர்சிதை மாற்ற விகிதத்தை ஊக்குவிக்கிறது.
மேலும் அதிகமாக சாப்பிடுவதைத் தடுப்பதன் மூலம் எடையைக் கட்டுப்படுத்த உதவுகிறது.
இதய ஆரோக்கியம் :
சிறு பருப்பில் பொட்டாசியம் மற்றும் இரும்புச்சத்து நிறைந்துள்ளது. இது இரத்த அழுத்தத்தை குறைக்க உதவுகிறது மற்றும் தசைப் பிடிப்பிலிருந்து பாதுகாக்கிறது.
இது ஒழுங்கற்ற இதயத் துடிப்பையும் ஒழுங்குபடுத்துகிறது. சிறு பருப்பின் எளிதில் ஜீரணிக்கக்கூடிய தன்மை, உயர் இரத்த அழுத்தம் அல்லது இதய நோய்களால் பாதிக்கப் பட்டவர்களுக்கு சிறந்த உணவாக அமைகிறது.
கண் எரிச்சல் :
ஆயுர்வேத மருத்துவத்தில், பித்தம் மற்றும் கபதோஷத்தின் ஏற்றத்தாழ்வு காரணமாக கண்களில் எரிச்சல் மற்றும் அரிப்பு ஏற்படும்.
பாசிப்பருப்பில் செய்யப்பட்ட கண் டானிக் இந்த கோளாறுகளை போக்க உதவும் என்று சொல்லப்படுகிறது.
ஊட்டச் சத்துக்கள் நிறைந்துள்ளது :
சிறு பருப்பு பொட்டாசியம், மெக்னீசியம், இரும்பு மற்றும் தாமிரம் போன்ற தாதுக்களால் செறிவூட்டப்பட்டுள்ளது.
மேலும் இதில் ஃபோலேட், ஃபைபர் மற்றும் வைட்டமின் பி6 மற்றும் பிற பி-காம்ப்ளக்ஸ் வைட்டமின்கள் நிறைந்துள்ளது.
இவை கார்போஹைட்ரேட்டுகளை குளுக்கோஸாக உடைத்து, உடலுக்குப் பயன்படுத்தக்கூடிய ஆற்றலாக மாற்ற உதவுகிறது.
இதில் உள்ள ஃபோலிக் அமிலம் மூளை ஆரோக்கியத்தை பராமரிக்க உதவுகிறது மற்றும் டிஎன்ஏவை உருவாக்க உதவுகிறது.
பாசிப்பருப்பில் நார்ச்சத்து அதிகம் உள்ளது. ஒரு கப் பாசிப் பருப்பில் பரிந்துரைக்கப்பட்ட தினசரி உட்கொள்ளல் அளவில் 40.5 முதல் 71 சதவீதம் வரை உள்ளது.
இந்த நார்ச்சத்து இரத்த கொழுப்பின் அளவைக் குறைக்க உதவுகிறது மற்றும் ஊட்டச்சத்து உடலால் உறிஞ்சப் படுவதில் சிக்கல்களைத் தடுக்கிறது.
இதில் உள்ள தாவர அடிப்படையிலான புரதம் சைவ உணவு உண்பவர்களுக்கு சிறந்த ஆதாரமாக அமைகிறது.
முளைவிட்ட சிறு பருப்பில் குளோபுலின் மற்றும் அல்புமின் ஆகியவை முதன்மை புரதங்களாக உள்ளன.
அவை முளை விட்ட பாசிப்பருப்பில் காணப்படும் மொத்த அமினோ அமிலங்களில் 85% க்கும் அதிகமாக உள்ளது.
பாசிப் பருப்பு தீமைகள் :
சரியாக சமைக்கப்படாத பாசிப் பருப்பு உண்ணும் போதும் மற்றும் மண்ணீரல், வயிறு கோளாறுகள் உள்ளவர்களுக்கும் வாந்தி, பேதி போன்ற பக்க விளைவுகளை ஏற்படுத்தலாம்.
எனவே, அத்தகையவர்கள் சிறுபருப்பு பருப்பு சாப்பிடுவதை தவிர்க்க வேண்டும்.
பாசிப் பருப்பில் ஊட்டச்சத்து எதிர்ப்பு காரணிகள் மற்றும் பைட்டோஸ்டெரால்கள் போன்ற உடலுக்கு தீங்கு விளைவிக்கும் சேர்மங்கள் உள்ளன.
எனவே பாசிப் பருப்பு அளவுக்கு அதிகமாக உண்பதை தவிர்க்க வேண்டும்.
