முடி வளர வெங்காய சாறு – நன்மைகள், தீமைகள்

வழுக்கையில் முடி வளர வெங்காய சாறு எவ்வாறு உதவுகிறது, முடி வளர வெங்காய சாறு பயன்படுத்தும் முறை, நன்மைகள், மற்றும் தீமைகள் பற்றி விவரிக்கப் பட்டுள்ளது.

முடி வளர வெங்காயச் சாறு :

வெங்காயச் சாறு வாழுக்கையாகக் காணப்படும் சொட்டைத் தலையிலும் முடி வளர உதவுவதாக சொல்லப்படுகிறது.

வெங்காயச் சாறு சிலருக்கு முடி உதிர்தலை தடுக்க பயன்படுகிறது. இது இளநரை என்று சொல்லப்படும் முன்கூட்டிய முடி நரைப்பதைத் தடுக்கவும் மற்றும் பொடுகுக்கு சிகிச்சை அளிக்கவும் பயன்படுகிறது.

முடி வளர வெங்காய சாறு நன்மைகள் :

வெங்காய சாறு முடிக்கு பயன்படுத்துவதால் கீழ் கண்ட நன்மைகள் கிடைப்பதாக சொல்லப்படுகிறது.

• பொடுகு தொல்லையை நீக்குகிறது.
• பேன் தொல்லையை கட்டுப்படுத்துகிறது.
• முடி உதிர்வை தடுக்கிறது.
• இளநரையைக் கட்டுப்படுத்துகிறது.
• முடி வளர்ச்சியை ஊக்குவிக்கிறது.
• முடி அடர்த்தியாகவும், வலிமையாகவும், தடிமனாகவும் வளர உதவுகிறது.
• தொடர்ந்து பயன்படுத்தி வந்தால் முன் நெற்றியிலும், வழுக்கையிலும் முடி வளர உதவுவதாக சொல்லப்படுகிறது.

வெங்காய சாறு முடி வளர எவ்வாறு உதவுகிறது ?

வெங்காய சாறில் முடி உதிர்தலை தடுக்கும் சத்துக்கள் உள்ளன. மேலும் வெங்காய சாறு முடி வளர எவ்வாறு உதவுகிறது என்பது பற்றி காணலாம்

கந்தகம் :

வெங்காயத்தில் கனிசமான அளவு கந்தகம் உள்ளது. இது உடல் மற்றும் முடி ஆரோக்கியத்திற்கு அவசியமான ஒரு ஊட்டச்சத்து ஆகும்.

புரதத்தின் முக்கிய கூறுகளான அமினோ அமிலங்களில் சல்பர் காணப்படுகிறது. குறிப்பாக முடியில் காணப்படும் கெரட்டின், எனப்படும் புரதத்தில் சல்பர் நிறைந்து காணப்படுகிறது.

எனவே வெங்காய சாறை முடி மற்றும் உச்சந்தலையில் தேய்க்கும் போது, கந்தக குறைபாட்டை சரி செய்து முடி உதிர்வதைத் தடுக்கிறது மேலும் முடி வளர்ச்சியை ஊக்குவிக்கிறது.

கொலாஜன் உற்பத்தியை ஊக்குவிக்கிறது :

முடி வளர்ச்சி மற்றும் வலிமைக்கு கொலாஜன் அவசியமாகும். வெங்காயத்தில் உள்ள கந்தகம் கொலாஜன் உற்பத்தியை ஊக்குவிக்க உதவுகிறது.

இரத்த ஓட்டத்தை ஊக்குவிக்கிறது :

வெங்காயச் சாறு கொண்டு மசாஜ் செய்வது உச்சந்தலையில் இரத்த சுழற்சியை அதிகரிக்கிறது.என்றும் நம்பப்படுகிறது. இதன் மூலம் மயிர்க் கால்களுக்கு ஊட்டம் மற்றும் புத்துணர்ச்சி அளித்து ஆரோக்கியப் படுத்துகிறது.

பொடுகை குறைக்கிறது :

வெங்காய சாற்றில் உள்ள பாக்டீரியா எதிர்ப்பு மற்றும் பூஞ்சை எதிர்ப்பு பண்புகள் காரணமாக , அவை உச்சந்தலையில் உள்ள பாக்டீறியா மற்றும் பூஞ்சைத் தொற்றுக்கு எதிராக செயல்படுகிறது. இதன் மூலம் பொடுகை அழிக்கிறது.

மயிர்க் கால்களுக்கு ஊட்டமளிக்கிறது:

வெங்காய சாற்றில் உள்ள ஆன்டிஆக்ஸிடன்ட்கள் மயிர்க்கால் செல்களில் ஏற்படும் ஃப்ரீ ரேடிக்கல் சேதத்திலிருந்து பாதுகாக்கவும் உதவுகிறது. இதன் மூலம் முடி முன்கூட்டியே நரைப்பதைத் தடுக்கவும், முடி உதிர்வதை தடுக்கவும் உதவுகிறது.

முடி வளர வெங்காயச் சாறு பயன்படுத்தும் முறை :

வெங்காய சாற்றை தினமும் காலை மாலை என இரண்டு முறை உச்சந் தலையில் தேய்த்து வருவது சிறந்த பலனைத் தரும்.

வெங்காயச் சாற்றுடன் விளக்கெண்ணெய் அல்லது தேங்காய் எண்ணெய் சேர்த்து தேய்த்து வர முன் நெற்றி வழுக்கையில் முடி வளர வைப்பதாக சொல்லப்படுகிறது. விளக்கெண்ணெய்யுடன் சேர்க்கும் போது வெங்காயச் சாறு உச்சந்தலையில் நன்றாக செயல் படுவதாக சொல்லப்படுகிறது.

வெங்காயச் சாற்றுடன் கற்றாழை ஜெல் சம அளவு கலந்து தேய்த்து வருவதும் முடி வளர்ச்சியைத் தூண்டுவதாக சொல்லப்படுகிறது.

வெங்காய சாறு பயன்படுத்தினால் வழுக்கைத் தலையில் முடி வளருமா?

வெங்காய சாறு முடி உதிர்வை எவ்வாறு தடுக்கிறது என்பது பற்றிய ஆய்வுகள் உள்ளன. அதன் படி

2002 ஆம் ஆணடு நடத்தப் பட்ட ஒரு நம்பகமான ஆய்வில் வெங்காயச் சாறு முடி மற்றும் உச்சந்தலையில் பயன்படுத்துவது முடி வளர்ச்சியை ஊக்குவிப்பதாக தெரிய வந்துள்ளது.

இருப்பினும் முழுவதுமான வழுக்கை போன்ற நிலைமைகளுக்கு வெங்காய சாறு ஒரு முழு தீர்வாக அமையாது. இருப்பினும் இது தற்போதைய முடியின் வளர்ச்சியைத் தூண்டவும் பாதுகாக்கவும், குறிப்பிட்ட ஊட்டச் சத்துக்கள் குறைபாட்டினால் செயல் படாமல் இருக்கும் ஹேர் போலிசிக்களுக்கும் புத்துணர்ச்சி அளித்து வளர செய்கிறது.

வெங்காய சாறு முடிக்கு பயன்படுத்துவதால் ஏற்படும் தீமைகள் :

தலைமுடிக்கு வெங்காய சாற்றைப் பயன்படுத்துவது அனைவருக்கும் பாத்துக்காப்பானதாக இருக்காது. சிலருக்கு சில பக்க விளைவுகளையும் ஏற்படுத்துகிறது. வெங்காய சாறு முடிக்கு பயன்படுத்துவதால் ஏற்படும் தீமைகள் பின்வருமாறு

வெங்காயச் சாறு ஒவ்வாமை இருந்தால், தலைமுடியில் பயன்படுத்துவதை தவிர்க்க வேண்டும்.

சிலருக்கு தலையில் எரிச்சல்,அரிப்பு போன்றவற்றை ஏற்படுத்தலாம்.

சிலருக்கு சளி, ஜலதோஷம், தலை வலி, மூக்கில் நீர் வடிதல் போன்ற பக்க விளைவுகளை ஏற்படுத்தலாம்.