நாவல் பழம் நன்மைகள், பயன்கள், நாவல் பழத்தில் உள்ள சத்துக்கள் மற்றும் நாவல் பழம் தீமைகள் பற்றி குறிப்பிடப் பட்டுள்ளது.
நாவல் பழம் :
நாவல் பழம் அறிவியல் பெயர் சைஜியம் குமினி ஆகும். தமிழில் நாவல் பழம், நாவற்பழம் அல்லது நாகப்பழம் என்று அழைக்கப்படுகிறது..
ஆங்கிலத்தில் ஜாமூன் பழம், ஜாவா பிளம், பிளாக் பிளம், ஜம்புல் மற்றும் இந்தியன் பிளாக் பெர்ரி என்றும் அழைக்கப் படுகிறது.
உலக அளவில் சீனாவில் நாவற்பழம் அதிக அளவு உற்பத்தி செய்யப் படுகிறது. இந்தியா இரண்டாவது இடத்தில் உள்ளது.
இந்தியாவில், மஹாராஷ்டிரா மாநிலத்தில் நாவற்பழம் அதிக அளவு உற்பத்தி செய்யப் படுகிறது. அதற்கு அடுத்த படியாக உத்தர பிரதேசம், தமிழ்நாடு, குஜராத், அசாம் போன்ற மாநிலங்கள் உள்ளன.
நாவல் பழத்தில் உள்ள சத்துக்கள் :
100 கிராம் நாவல் பழத்தில் 60 கலோரிகள் உள்ளது. மேலும் 0.2 கிராம் கொழுப்பு, 0.7 கிராம் புரதம், 15 கிராம் கார்போஹைட்ரேட் உள்ளது.
விட்டமின்கள் :
100 கிராம் நாவல் பழத்தில், 9.5 மில்லி கிராம் வைட்டமின் C உள்ளது. மேலும் பல்வேறு பி குழு வைட்டமின்கள் உள்ளன.
தாதுக்கள் :
நாவல் பழம் நன்மைகள் :
பல்வேறு வகையான வைட்டமின்கள் மற்றும் தாதுச் சத்துக்கள் நிறைந்துள்ளதால் பல ஆரோக்கிய நன்மைகளைக் கொண்டுள்ளது.
நாவல் பழத்தின் ஆரோக்கிய நன்மைகளில் சில செரிமான ஆரோக்கியத்தை மேம்படுத்துதல், கொலஸ்ட்ராலைக் குறைக்க உதவுகிறது, நோயெதிர்ப்பு மண்டலத்தை மேம்படுத்துகிறது,
புற்றுநோய் அபாயத்தைத் குறைக்கிறது, இரத்த அழுத்தத்தைக் குறைக்கிறது, எலும்பு ஆரோக்கியத்தை மேம்படுத்துகிறது, நீரிழிவு நோயைத் தடுக்கிறது, தோல் ஆரோக்கியத்தை மேம்படுத் துகிறது மற்றும் கண் பார்வை மேம்படுத்துதல் ஆகும்.
இதய ஆரோக்கியம் :
நாவல் பழத்தில் ஃபிளாவனாய்டுகள் மற்றும் நார்ச் சத்து நிறைந்துள்ளன. இது இதய ஆரோக்கியத்திற்கு மிகவும் நல்லதாகும்.
உடலில் உள்ள கெட்ட கொழுப்பைக் குறைக்கவும், நல்ல கொழுப்பை அதிகரிக்கவும் உதவுவதாக பல்வேறு ஆய்வுகள் நிரூபிக்கப்பட்டுள்ளன.
மாரடைப்பு போன்ற பல்வேறு வகையான இதய நோய்களுக்கு எல்டிஎல் அல்லது கெட்ட கொழுப்பு முக்கிய காரணம் என்று சொல்லப்படுகிறது.
நோய் எதிர்ப்பு சக்தி :
நாவல் பழத்தில் வைட்டமின் சி மற்றும் ஆண்டிபயாடிக் பண்புகள் நிறைந்துள்ளன.
இது நோய் எதிர்ப்பு சக்தியை அதிகரித்து பல்வேறு வகையான பூஞ்சை மற்றும் பாக்டீரியா நோய்களிலிருந்து பாதுகாப்பு அளிக்கிறது.
வைட்டமின் சி பாக்டீரியா மற்றும் வைரஸ் போன்ற நுண்னுயிரி களிடமிருந்து உடலைப் பாதுகாக்கும் வெள்ளை இரத்த அணுக்களின் உற்பத்தியை ஊக்குவிக்க உதவுகிறது.
செரிமான ஆரோக்கியம் :
நாவல் பழத்தில் அதிக அளவு நார்ச்சத்து உள்ளது. இது செரிமான ஆரோக்கியத்தை மேம்படுத்தவும், மலச்சிக்கல், வாயு, தசைப்பிடிப்பு, வயிற்றுப் போக்கு, வயிற்றுப் போக்கு போன்ற செரிமானம் தொடர்பான பிரச்சினைகளைத் தடுக்கவும் உதவுகிறது.
மேலும் நாவல் பழத்தில் வைட்டமின் சி செரிமான அமைப்பு செல்களுக்கு ஆக்ஸிஜனேற்ற சேதத்தை ஏற்படுத்தும் ஃப்ரீ ரேடிக்கல்களைத் தடுக்கிறது.
இதனால் பெருங்குடல் புற்றுநோய் போன்ற பல்வேறு வகையான புற்றுநோய் அபாயத்தை குறைக்கிறது.
மூளை செயல்பாடு :
நாவல் பழத்தில் இரும்புச்சத்து அதிக அளவில் உள்ளது. இது மூளைக்கு மிகவும் நன்மை பயக்கும்.
இரத்தத்தில் ஆக்ஸிஜன் மற்றும் ஊட்டச்சத்தை பிணைக்கும் ஹீமோகுளோபின் உற்பத்தியை மேம்படுத்த இரும்பு சத்து உதவுகிறது.
இதன் மூலம் மூளைக்கு சரியான அளவு ஆக்ஸிஜன் மற்றும் ஊட்டச்சத்து கிடைப்பதை உறுதி செய்கிறது.
நாவற்பழம் தொடர்ந்து சாப்பிடுவது அல்சைமர் நோய் மற்றும் டிமென்ஷியா போன்ற நோய்களின் அபாயத்தைக் குறைப்பதாக என்று ஆய்வுகளில் நிரூபிக்கப்பட்டுள்ளன.
எலும்பு ஆரோக்கியம் :
நாவல் பழத்தில் அதிக அளவு கால்சியம், பாஸ்பரஸ், மாங்கனீசு மற்றும் மெக்னீசியம் போன்ற சத்துக்கள் இருப்பதால் எலும்பு எலும்புகளை வலுவாகவும் ஆரோக்கியமாகவும் வைத்திருக்க உதவுகிறது.
கால்சியம் மற்றும் பாஸ்பரஸ் எலும்பு கட்டமைப்பின் முக்கிய கூறு ஆகும. இது எலும்பு அடர்த்தியை மேம்படுத்த உதவுகிறது.
மேலும் நாவல் பலத்தை அடிக்கடி உட்கொள்வது எலும்பை வலுவாக வைத்து ஆஸ்டியோபோரோசிஸ் நோய் அபாயத்தைத் தடுக்கிறது என்று ஆய்வுகள் தெரிவிக்கின்றன.
இரத்த சோகையை தடுக்கிறது :
இரத்த சோகை என்பது இரும்புச்சத்து குறைபாட்டினால் ஏற்படும் நோய் ஆகும். நாவற்பழம் இரும்புச் சத்தின் சிறந்த மூலமாகும்.
எனவே நாவற்பழம் உட்கொள்வது இரத்த சோகை மற்றும் இரத்த சோகையினால் ஏற்படும் சோர்வு, பலவீனம், தலைவலி, ஒழுங்கற்ற நாடி துடிப்பு போன்றவற்றைத் தடுக்க உடலில் போதுமான இரும்புச்சத்து இருப்பதை உறுதி செய்கிறது.
இரத்த ஓட்டத்தை துரிதப் படுத்துகிறது :
நாவல் பழத்தில் உள்ள இரும்பு மற்றும் பொட்டாசியம் மற்றும் பல்வேறு பி குடும்ப வைட்டமின்கள் மற்றும் தாதுக்கள் அதிக அளவில் இருப்பதால் இது இரத்த ஓட்டத்தை துரிதப் படுத்துகிறது.
இதனால் உடலில் உள்ள அனைத்து செல்களுக்கும் சரியான அளவு ஆக்ஸிஜன் மற்றும் ஊட்டச்சத்து கிடைக்க செய்து வளர்ச்சியை ஊக்கு விக்கிறது.
காயங்களை ஆற்றுகிறது :
நாவல் பழத்தில் பூஞ்சை காளான் எதிர்ப்பு மற்றும் ஆண்டிபயாடிக் பண்புகள் காரணமாக வெட்டு மற்றும் காயங்களை விரைவாக குணமடையும் செயல்முறையை ஊக்குவிக்ககிறது என பல ஆய்வுகள் மூலம் தெரிய வந்துள்ளது.
நாவல் பழத்தில் உள்ள சத்துக்கள் காயங்களை ஆற்றுவதோடு மட்டுமலாமாமல் செல்களின் மீள் உருவாக்கத்துக்கும் உதவி செய்கிறது.
சரும ஆரோக்கியம் :
நாவல் பழத்தில் அதிக அளவு ஆன்டிஆக்ஸிடன்ட் மற்றும் ஆன்டிபாக்டீரியல் பண்புகள் உள்ளன.
இது சருமத்திற்கு மிகவும் நல்லது மற்றும் பல்வேறு வகையான தோல் தொடர்பான பிரச்சினைகளைத் தடுக்க உதவுகிறது.
மேலும் நாவல் பழத்தின் ஆக்ஸிஜனேற்ற பண்புகள் ஃப்ரீ ரேடிக்கல்களுக்கு எதிராக போராட உதவுகிறது.
மேலும் தோல் செல்களில் பிரீ ரெடிக்கல்களால் ஏற்படும் ஆக்ஸிஜனேற்ற சேதத்தை தடுக்கிறது.
தோல் செல்கள் சேதமடைவதால் சுருக்கங்கள், வயதான அறிகுறிகள் போன்ற பல்வேறு வகையான தோல் தொடர்பான நோய்கள் ஏற்படுகின்றன.
நாவல் பழத்தில் உள்ள ஆன்டிபாக்டீரியல் பண்புகள் சருமத்தை வைரஸ் மற்றும் பாக்டீரியாக் களிடமிருந்து பாதுகாத்து முகப்பரு, புண் போன்ற பல்வேறு வகையான பாக்டீரியா தொற்று களை தடுக்கிறது.
நாவல் பழம் தீமைகள் :
நாவல் பழம் இரத்த சர்க்கரை அளவை குறைக்கலாம். அறுவை சிகிச்சையின் போதும் அதற்குப் பிறகும் இரத்த சர்க்கரை கட்டுப்பாட்டில் தலையிடலாம் என்று சொல்லப்படுகிறது.
அறுவை சிகிச்சை திட்டமிடுவதற்கு குறைந்தது 2 வாரங்களுக்கு முன் நாவல் பழம் உண்ணாமல் தவிர்ப்பது நல்லது என்று சொல்லப்படுகிறது.
