செலரி கீரை :
செலரி (Apium graveolens) பூர்வீகம் மத்தியதரைக் கடல் பகுதி, குறிப்பாக கிரீஸ் மற்றும் இத்தாலியைச் சுற்றியுள்ள பகுதிகள் என்று நம்பப்படுகிறது.
செலரி கீரை ஆயிரக்கணக்கான ஆண்டுகளுக்கு முன்பிருந்தே அதன் மருத்துவ குணங்களுக்காக பயிரிடப்பட்டு வருவதாக சொல்லப்படுகிறது.
பின்னர் அதன் சுவை மற்றும் மனத்திற்கிற்காக , சாலடுகள், சூப்கள் மற்றும் பல்வேறு உணவுகளில் காய்கறியாக பயன்படுத்தப்பட்டு வருகிறது.
செலரிக் கீரை நன்மைகள்
செலரி பல்வேறு ஆரோக்கிய நன்மைகளைக் கொண்டுள்ளது, இது உணவின் மூலம் கூடுதல் நன்மைகளைப் பெற உதவுகிறது. செலரி கீரை நன்மைகள் பற்றி கீழே விரிவாகக் காணலாம்.
ஊட்டச்சத்து நிறைந்த பவர்ஹவுஸ் :
செலரிக் கீரை அத்தியாவசிய வைட்டமின்கள் மற்றும் தாதுக்களால் நிரம்பியுள்ளது. இது வைட்டமின் கே, வைட்டமின் சி, பொட்டாசியம் மற்றும் ஃபோலேட் ஆகியவற்றின் சிறந்த மூலமாகும்.
பொதுவாக எலும்பு ஆரோக்கியத்தை பராமரிப்பதிலும், நோயெதிர்ப்பு மண்டலத்தை ஆதரிப்பதிலும், இரத்த அழுத்தத்தைக் கட்டுப்படுத்துவதிலும் இந்த ஊட்டச்சத்துக்கள் முக்கிய பங்கு வகிக்கின்றன.
கலோரிகள் குறைவு, நார்ச்சத்து அதிகம் :
உடல் எடை குறைக்க விரும்புபவர்களுக்கு செலரிக் கீரையை உணவில் சேர்த்துக்கொள்வது நன்மை பயக்கும்.
செலரிக் கீரையில் குறைந்த அளவு கலோரிகள் மற்றும் கனிசமான அளவு நார்ச் சத்து உள்ளது. எனவே இது குறைந்த கலோரிகளிலேயே வயிறு நிரம்பிய உணர்வ தருகிறது.
இதன் மூலம் அதிக கலோரிகள் உடலில் சேர்வதைக் குறைத்து உடல் எடை குறைப்பதில் உதவி செய்கிறது.
ஆக்ஸிஜனேற்ற பண்புகள்
செலரியில் ஃபிளாவனாய்டுகள் மற்றும் பாலிபினால்கள் போன்ற ஆக்ஸிஜனேற்றிகள் உள்ளன.
அவை உடலில் ஆக்ஸிஜனேற்ற அழுத்தம் மற்றும் வீக்கத்தை எதிர்த்துப் போராட உதவுகின்றன.
மேலும் இவை இதய நோய் மற்றும் புற்றுநோய் போன்ற நாள்பட்ட நோய்களின் அபாயத்தைக் குறைக்கும்.
இரத்த அழுத்தத்தை சீராக்குகிறது :
செலரியில் உள்ள பொட்டாசியம் சோடியத்தின் விளைவுகளை குறைப்பதன் மூலம் இரத்த அழுத்தத்தைக் கட்டுப்படுத்த உதவுகிறது.
சில ஆய்வுகள் செலரி இலைச் சாறு லேசான ஆண்டிஹைபர்ட்டென்சிவ் பண்புகளைக் கொண்டிருக்கலாம் என்று கூறுகின்றன.
இதய ஆரோக்கியம் :
செலரியில் உள்ள நார்ச்சத்து மற்றும் ஆன்டிஆக்ஸிடன்ட்கள் கொலஸ்ட்ரால் அளவைக் குறைப்பதன் மூலம் இதய ஆரோக்கியத்திற்கு பங்களிக்கிறது.
இதன் மூலம் இதய நோய் உருவாகும் அபாயத்தைக் குறைப்பதில் சற்று உதவுகிறது.
எலும்பு ஆரோக்கியம் :
செலரியில் உள்ள வைட்டமின் கே எலும்பு ஆரோக்கியத்திற்கு அவசியம் ஆகும். மேலும் இது ஆஸ்டியோபோரோசிஸ் நோய் வரும் அபாயத்தைக் குறைக்க உதவுகிறது.
அழற்சி எதிர்ப்பு :
செலரியில் அபிஜெனின் மற்றும் லுடோலின் போன்ற தாவர சேர்மங்கள் உள்ளன.
அவை அழற்சி எதிர்ப்பு பண்புகளைக் கொண்டுள்ளன. இது உடலில் ஏற்படும் வீக்கத்தைக் குறைப்பதில் உதவுகிறது.
செலரி தீமைகள் :
செலரி அதன் பல ஆரோக்கிய நன்மைகளுக்காக உலகம் முழுவதும் உண்ணப்படுகிறது.
ஆனால் பக்க விளைவுகளுக்கான சாத்தியக் கூறுகள் குறித்தும் கவனத்துடன் இருப்பது அவசியம். சாத்தியமான செலரி கீரை தீமைகள் குறித்து கீழே விரிவாக காணலாம்.
ஒவ்வாமை எதிர்வினைகள் :
மிகவும் அரிதாக சிலருக்கு செலரிக்கு ஒவ்வாமை இருக்கலாம். அரிப்பு மற்றும் படை நோய் போன்ற லேசான அறிகுறிகளில் இருந்து, சுவாசிப்பதில் சிரமம் போன்ற ஒவ்வாமை எதிர்வினை அறிகுறிகள் ஏற்படலாம்.
செரிமான கோளாறு :
செலரி அதிக அளவு உண்ணும் போது அதிலுள்ள அதிக நார்ச்சத்து சிலருக்கு வாயு, வயிறு உப்புசம் மற்றும் வயிற்றுப்போக்கு போன்ற செரிமான கோளாறுகளை ஏற்படுத்தலாம்.
போட்டோசென்சிட்டிவிட்டி :
செலரியில் உள்ள சோராலன்கள் எனும் தாவர சேர்மங்கள் சருமத்தை சூரிய ஒளிக்கு அதிக உணர்திறன் கொண்டதாக மாற்றுகிறது.
எனவே அதிக அளவு செலரியை உட்கொண்டு, வெயிலில் அதிக நேரம் செலவிட்டால், வெயிலின் தாக்கம் அதிகமாக இருக்கலாம்.
மருந்துகளுடன் வினை :
செலரி உண்பது வார்ஃபரின் போன்ற இரத்தத்தை மெலிக்கும் மருந்துகள் போன்ற சில மருந்துகளுடன் வினைகளை ஏற்படுத்தலாம்.
எனவே மருந்துகளை எடுத்துக் கொள்பவர்கள் மருத்துவர் ஆலோசனை பெற்றுக்கொள்வது நல்லது..
முடிவுரை :
செலரி சரிவிகித உணவில்ஒரு பகுதியாக சேர்த்துக்கொள்வது உடல் எடை பராமரிப்பில் இருந்து அத்தியாவசிய வைட்டமின்கள் மற்றும் ஆக்ஸிஜனேற்றங்களை வழங்குவது வரை பலவிதமான ஆரோக்கிய நன்மைகளை உடலுக்கு வழங்குகிறது.
இருப்பினும், அதிக அளவில் உண்ணும் போதும், ஏதேனும் உடல் நலக்கோளாறுகளால் பாதிக்கப் பட்டவர்களுக்கும் சில பக்க விளைவுகளையும் ஏற்படுத்த வாய்ப்புகள் உள்ளன.
Tags
செலரி கீரை நன்மைகள்
செலரி கீரை தீமைகள்
