கேல் கீரை :
கேல் கீரை ஒரு புதிதாக தோன்றிய காய்கறி அல்ல. இது வடக்கு ஐரோப்பாவில் மிகவும் பிரபலமான உணவாகும்.
இப்போது அமெரிக்கா முழுவதும் பயிரிடப் பட்டு மனிதர்களுக்கும் கால்நடைகளுக்கும் உணவளிக்க பயன்படுத்தப்படுகிறது.
கடந்த நான்கைந்து வருடங்களாக ஆசிய நாடுகளிலும் கேலின் புகழ் உயர்ந்துள்ளது. இது உள்ளூர் மளிகைக் கடைகளிலும் கிடைக்கிறது.
காலே சுருள் காலே, டைனோசர் காலே ரெட்போர் காலே, ரஷ்ய காலே என்று நான்கு வகையாக உள்ளது.
கேல் கீரை நன்மைகள் :
வைட்டமின்கள் ஏ, வைட்டமின் கே, வைட்டமின் பி6 மற்றும் வைட்டமின் சி, கால்சியம், பொட்டாசியம், தாமிரம் மற்றும் மாங்கனீஸ் ஆகியவற்றின் அளவு காரணமாக கேல் கீரை ஒரு ஊட்டச்சத்து சூப்பர் ஸ்டார் என்று சொன்னால் மிகையாகாது .
ஒரு கப் பச்சை காலே கேலில் வெறும் 33 கலோரிகள் மற்றும் 7 கிராம் கார்போஹைட்ரேட் மட்டுமே உள்ளது.
இரத்த அழுத்தம் :
கேல் கீரையில் உள்ள பொட்டாசியம், கால்சியம் மற்றும் மெக்னீசியம் உயர் இரத்த அழுத்தத்திற்கு வழிவகுக்கும் சோடியத்தின் விளைவுகளை சமநிலைப்படுத்த உதவுகின்றன.
எடை குறைப்பு :
எடை குறைக்க முயற்சிக்கும்போது, குறைவான கலோரிகள் மற்றும் கார்போஹைட்ரேட்டுகளை உட்கொள்ள வேண்டும். வெறும் 33 கலோரிகளைக் கொண்ட காலே கீரை எடை இழப்புக்கான சிறந்த உணவுத் தேர்வாகும்.
மேலும் இதில் நார்ச்சத்து மற்றும் புரதம் நிறைந்துள்ளது, இது பசியை குறைத்து, நீண்ட நேரம் நிறைவாக உணர உதவுகிறது.
இதய ஆரோக்கியம் :
கேலில் போதுமான ஒமேகா கொழுப்பு அமிலங்கள், வைட்டமின் சி மற்றும் வைட்டமின் கே உள்ளது. இந்த ஊட்டச்சத்துக்கள் இதய ஆரோக்கியத்திற்கு அவசியமாகும்.
கேலில் பொட்டாசியம் நிறைந்துள்ளதால் இது உயர் இரத்த அழுத்தத்தைக் கட்டுப்படுத்த உதவுகிறது.
இதன் மூலம் இதய நோய்கள் மற்றும் பக்கவாதம் ஏற்படும் அபாயத்தைக் குறைக்கிறது.
கொழுப்பைக் குறைக்கிறது :
காலே கீரையில் பித்த அமிலம் சீக்வெஸ்ட்ராண்ட்ஸ் எனப்படும் ஒரு சேர்மம் உள்ளது.
இது இரத்தத்தில் உள்ள கொழுப்பின் அளவைக் குறைப்பதாக அறியப்படுகிறது. மேலும் இது இறுதியில் பக்கவாதம் ஏற்படும் அபாயத்தைக் குறைக்க உதவுகிறது.
இரத்த சர்க்கரையை கட்டுப்படுத்துகிறது :
கேலில் உள்ள மாங்கனீசு இரத்த சர்க்கரை அளவைக் கட்டுப்படுத்த உதவும் இன்சுலின் எதிர்ப்பைக் குறைப்பதாக சொல்லப்படுகிறது.
காலேவில் கந்தகமும் நிறைந்துள்ளது, இது நச்சு நீக்கத்திற்கு உதவுகிறது.
குளுக்கோஸ் வளர்சிதை மாற்றத்திற்கு கந்தகம் அவசியமாகும் மேலும் நீரிழிவு அபாயத்தைக் குறைக்கவும் உதவுகிறது.
புற்று நோய் அபாயத்தைக் குறைக்கிறது :
காலிஃபிளவர், பிரஸ்ஸல்ஸ் முளைகள், முட்டைக்கோஸ், ப்ரோக்கோலி, காலார்ட் கீரைகள், கோஹ்ராபி, ருடபாகா, டர்னிப்ஸ் மற்றும் போக் சோய் ஆகியவற்றைப் போன்று காலே க்ருசிபெரஸ் காய்கறி குடும்பத்தைச் சேர்ந்தது.
இந்த காய்கறிகள் பல்வேறு வகையான புற்றுநோய்களின் அபாயத்தைக் குறைப்பது உட்பட பல ஆரோக்கிய நன்மைகளை கொண்டிருக்கின்றன.
எலும்பு ஆரோக்கியம் :
எலும்பு ஆரோக்கியத்திற்கும், இரத்தம் உறைவதற்கும் வைட்டமின் கே அவசியனதாகும். வைட்டமின் கே குறைபாடு ஆஸ்டியோபோரோசிஸ் போன்ற எலும்பு கோளாறுகளை ஏற்படுத்த வாய்ப்புள்ளது.
இந்த கீரையை உணவில் சேர்ப்பதன் மூலம் வைட்டமின் கே குறைபாட்டை போக்கலாம்.
நோய் எதிர்ப்பு சக்தியை அதிகரிக்கிறது :
நோய் எதிர்ப்பு சக்தியை அதிகரிக்கவும், செல் சேதத்தை குறைக்கவும் வைட்டமின் சி அவசியமானது ஆகும்.
ஒரு கப் கேல் தினசரி வைட்டமின் சி தேவையில் 20 சதவீதத்திற்க்கு மேல் வழங்குகிறது.
கேல் கீரை தீமைகள் :
ஆக்சலேட் வகை சிறுநீரகக் கற்களால் பாதிக்கப்பட்டவர்கள் மற்றும் இரத்தத்தை மெலிக்கும் மருந்து எடுத்துக்கொள்பவர்கள் மட்டுமே கேல் உட்கொள்ளலைத் தவிர்க்க வேண்டும் அல்லது கட்டுப்படுத்த வேண்டும்
