வயிறு உப்புசம் வாயு தொல்லை நீங்க

வாயு தொல்லை அறிகுறிகள் :

நம்மில் பலருக்கு அடிக்கடி ஏற்படும் ஒரு தொந்தரவு, வாயு தொந்தரவு. வாயுத் தொல்லை இருந்தால், சாப்பிடாமலேயே சாப்பிட்டது போன்ற ஒரு உணர்வு இருக்கும். வயிற்று உள்ளே ஏதோ கனமான  ஒரு பொருள் இருக்கிற மாதிரி, கணமாக இருக்கும். மேலும், ஏப்பம் வந்து கொண்டே இருக்கும். நம்மால் நிம்மதியாக சாப்பிடவும் முடியாமல், உட்காரவும் முடியாமல், படுக்கவும் முடியாமல், பெரும் அவஸ்தையாக இருக்கும். அதிலும் வயிற்றில் வலி, வயிறு வீக்கம், நெஞ்செரிச்சல் என்று மாறி, மாறி பாடாய் படுத்திவிடும். அதிகப்படியான வாயு வயிற்றில் தங்குவதால்தான், இந்த பிரச்சனை ஏற்படுகின்றது. இதனை சாதாரணமாக எடுத்துக் கொள்ள முடியாது. அதைவிடவும் இதனால் ஏற்படும் துர்நாற்றம், பக்கத்தில் இருப்பவர்களை முகம் சுளிக்க வைத்து, நம்மை தர்மசங்கடத்திற்கு உள்ளாகி விடும். இந்த வாயு தொந்தரவு ஏற்படுவதற்கு, பல காரணங்கள் இருக்கின்றன.

வாயு தொல்லை ஏற்பட காரணம் :

வாயு தொந்தரவு, வயிற்றில் ஏற்படுவதற்கு, பல விதமான காரணங்கள் கூறப்பட்டாலும், நாம் சாப்பிடும்போது, அல்லது தண்ணீர் குடிக்கும் போதும், மற்றும் நைட்ரோஜன்  போன்ற வாயுக்கள், வயிற்றுக்குள் நுழைஞ்சு, வாயுத் தொல்லையை ஏற்படுத்துகின்றன என்பதுதான், முதல் காரணமாக அமைகின்றது. அதாவது, நாம் அவசர அவசரமாக சாப்பிடு போதும், பேசிக் கொண்டே சாப்பிடு போதும்,  பானங்களை உறிஞ்சி குடிக்கும் போதும், நம்மை அறியாமலேயே, காற்றையும் சேர்த்து விழுங்கி விடுகின்றோம். இந்த காற்றில் எண்பது சதவீதம், இரைப்பையில் இருந்து ஏப்பமாக வெளியேறி விடுகின்றது. மீதி குடலுக்கு சென்று, ஆசன  வாய் வழியாக வெளியேறுகின்றது.

காற்று வெளியேறுவது உடலுக்கு நன்மை தரும் விஷயம்தான். ஆனால், கெட்ட வாடை கொண்ட வாயு வெளியேறினால், உடலுக்குள் கோளாறு இருப்பதாகவே அர்த்தம். நாம் சாப்பிட்ட உணவு செரிக்கப்படும் பொழுது ஏற்படும் வேதி வினையில் இருந்து வெளியாகும் கார்பன் டை ஆக்சைடு  ஹைட்ரஜன்  மீத்தேன்  போன்ற வாயுக்கள் வயிற்றினுள் தங்கிவிடுகின்றன. இந்த வாயுக்கள் வெளியேறாமல் அப்படியே இருப்பதால் வயிற்றுக்குள் பிரச்சனை ஏற்பட ஆரம்பிக்கின்றது. மேலும் செரிமான பொழுது, குடலில் உண்டாகும் வாயு, எப்பொழுதாவது வெளியேறுவது என்பது இயல்புதான். ஆனால், அன்றாட செயல்களுக்கு இடையூறு செய்யும் அளவுக்கு, வயிறு உப்புசம், உணவு செரியாமை போன்ற அறிகுறிகளுடன் வாயு வெளியேறினால், நாம் உணவுகளை முறைப்படுத்த வேண்டியது அவசியம்.

பொதுவாக வாயுக்கள் உருவாகும் பொழுது, துர்நாற்றம் இருக்காது. ஆனால், குடலில் சில என்சய்ம்கள் பற்றாக்குறை ஏற்படும் பொழுது, புரத உணவு சரியாக செரிக்கப்படுவதில்லை. அப்பொழுது ஹைட்ரஜன் சல்பேட்  போன்ற வாயுக்கள் உற்பத்தியாகி, ஆசன வாய் வழியாக வெளியேறும். மேலும், உடல் பருமன் உள்ளவர்களுக்கும், அதிக நேரம் உட்கார்ந்து கொண்டே, வேலை செய்கிறவர்களுக்கும், உடற்பயிற்சி இல்லாமல் , உடல் இயக்கம் இல்லாமல் முடங்கி கிடப்பவர்களுக்கும், தண்ணீர் சரியாக குடிக்காமல் இருப்பவர்களுக்கும், வாயு தொந்தரவு ஏற்படுகின்றது. அதே போன்று, எண்ணெயில் பொரித்த இறைச்சி, கொழுப்பு நிறைந்த உணவுகள், தாமதமாக்கி வாயு பெருக்கத்திற்கு வழி வகுக்கும் வாயு தொந்தரவை முற்றிலும் போக்கும் அருமையான வீட்டு வைத்தியங்கள் பற்றி இப்பொழுது பார்க்கலாம்

ஓமம் :

ஓமத்தில் உள்ள தைமோல் என்ன உட்பொருள் ஓமத்திற்கு சுவை மற்றும் மணத்தை கொடுப்பதோடு, பல்வேறு ஆரோக்கிய நன்மைகளுக்கும் காரணமாக அமைகின்றது. அந்த வகையில், வாயுத் தொல்லையைப் போக்கும் அருமையான மருந்தாக, ஓமம் பயன்படுகின்றது. எனவே, வாயுத் தொல்லை இருப்பவர்கள், இரண்டு தேக்கரண்டி  ஓமத்தை லேசாக வறுத்து, ஒரு கப்  தண்ணீரில், இரவு முழுவதும் ஊற வைக்க வேண்டும். பிறகு மறுநாள் காலையில், அந்த தண்ணீரை, வெறும் வயிற்றில் குடிக்க வேண்டும். இல்லையென்றால், அரை தேக்கரண்டி  ஓமத்தை, ஒரு டம்ளர் தண்ணீரில் போட்டு, கொதிக்க வைத்து  நன்றாக கொதி வந்ததும் வடிகட்டி குடிக்கலாம்.

முக்கியமாக நாள்பட்ட வாய்வு தொல்லையால் அவதிப்படுபவர்கள் ஓம தண்ணீரை தினமும் குடித்து வந்தால் வாய்வு தொழில் இருந்து முற்றிலும் விடுபடலாம் அது மட்டும் அல்ல ஓமம் செரிமான சக்தியை மேம்படுத்தும். பொதுவாக நாம் எண்ணெயில் பொறிக்கப்பட்ட உணவுகளை சாப்பிட்டாலோ அல்லது அளவுக்கு அதிகமாக உணவை சாப்பிட்டாலோ, வயிற்று உப்புசத்தினால் அவஸ்தைப்படக்கூடும். அந்த நேரங்களில் ஓமத்தை தண்ணீரில் போட்டு காய்ச்சி அதில் உள்ள தைமோல், வயிற்றில் செரிமான திரவத்தின் சுரப்பிக்கு உதவி, செரிமான செயல்பாட்டை சீராக்கும்.

சீரக தண்ணீர் :

சீரக தண்ணீர் வாயுத் தொல்லையைப் போக்குவதற்கு உதவும் சிறந்த மருந்தாகும். சீரகம்  நமது உமிழ்நீரை அதிகமாக சுரக்கச் செய்து, உணவை எளிதாக ஜீரணிக்க உதவுகின்றது. இதனாலும், வாயுத் தொல்லை ஏற்படாமல் தடுக்க முடியும். எனவே, ஒரு தேக்கரண்டி  சீரகத்தை, இரண்டு கப் தண்ணீரில் போட்டு, பத்து நிமிடம் கொதிக்க வைத்து  பிறகு தண்ணீரை வடிகட்டி வெதுவெதுப்பான நிலையில் குடிக்க வேண்டும்.

இதனால் வாயு தொல்லை விரைவில் நீங்கி விடும். அதுமட்டுமல்ல சீரக தண்ணீரில் அதிக அளவு இரும்பு மற்றும் நார்ச்சத்துக்கள் இருப்பதால் நோய் எதிர்ப்பு சக்தி அதிகரித்து, இருந்து நம்மை பாதுகாக்கும். மேலும், சீரகத்தில் உள்ள அதிக அளவு பொட்டாசியம் , உடல் ஆரோக்கியத்திற்கும், சீரான செயல்பாட்டிற்கும், மிகவும் முக்கியமானதாக இருக்கின்றது. முக்கியமாக, ரத்த அழுத்தத்தை சீராக வைத்திருக்க உதவும். எனவே, ரத்த உள்ளவர்கள், சீரக தண்ணீரை அடிக்கடி குடித்து வரும் பொழுது, நல்ல பலன் கிடைக்கும்.

• வாய்வு தொல்லை நீங்க உடற்பயிற்சி
• வயிறு உப்புசம் வாய்வு தொல்லை நீங்க வாய்வு முத்திரை
• வாய்வு தொல்லை, வயிறு உப்புசம் வராமல் தடுக்க எளிய வழிகள்
• ஏப்பம் தொல்லை நீங்க எளிய வழிகள்